Móður varð bilt við þegar hún heyrði fjögurra ára dóttur sína segja við bróður sinn: „Mamma er feit.“ Hún ákvað því að nýta tækifærið og kenna henni uppbyggileg ráð í von um að hafa áhrif á skoðanir hennar sem og fleirra.
Alison Kimmey hefur í gegnum árin rokkað á milli stærðar fjögur og 18. Sjáðu hvernig hún kennir dóttur sinni. Alveg til fyrirmyndar!
Þó íslenska sumarið lofi ekki góðu….ENNÞÁ….getum við bent á ýmsar leiðir, sértu svo heppin/n að rekast á sól einhversstaðar! Sumarið er jú komið og því er rétt að huga að sólarvörn og viðbrögðum við sólbruna.
Sólarvarnarefni eru miskröftug og er styrkleikinn gefinn upp sem „Faktor“ (stuðull). Tvenns konar stuðlar eru notaðir við skilgreiningu á varnarstyrk sólarvarnarefna, ameríski stuðullinn, SPF (Sun Protection Factor) og evrópski stuðullinn. Forsendur skilgreiningarinnar eru mismunandi. Almennt má segja, að bandaríski stuðullinn sé u.þ.b. tvöfalt hærri en sá evrópski. Það þýðir að sólarvörn sem framleidd er í Bandaríkjunum og hefur stuðulinn 8 samsvarar evrópsku kremi með stuðulinn 4. Evrópska kerfið byggist á því hversu lengi íbúi Norður-Evrópu sem jafnan er með föla húð getur verið í sólinni áður en húðin verður rauð og aum. Almennt er reiknað með 15 – 20 mínútum í byrjun sumars.
Almennt gildir að ef einstaklingur notar sólarvörn t.a.m. með stuðlinum 8 getur viðkomandi verið 8 x 20 mínútur (160 mínútur) í sólinni áður en húðin verður rjóð og aum. Hafa ber í huga að sólarvörn er útbúin til að verja húðina gegn sólbruna. Sólaráburður er hins vegar ekki vörn gegn þeim geislum sem talið er að valdi húðkrabbameini. Til að sólarvörnin komi að tilætluðum notum þarf að bera sig rétt að. Mikilvægt er að bera á sig sólarvörnina áður en farið er út í sólina. Smyrja þarf vel af kreminu á húðina til að vörnin virki. Ef smurt er á þunnu lagi næst ekki sú vörn sem umbúðirnar segja til um. Efnið dofnar smátt og smátt og sólarvörnin er talsvert minni eftir eina eða tvær klukkustundir. Ekki er ráðlagt að treysta á sólarvörn ef tiltekin svæði líkamans eru mjög viðkvæm. Ágætt er að hylja viðkvæm svæði líkamans með fatnaði eða handklæði.
Hætta á sólbruna er einnig fyrir hendi þótt það sé skýjað. Um 30 – 50% útfjólublárra geisla sólar ná í gegnum skýin. Meiri hætta er einnig á sólbruna þegar vindur blæs því viðkomandi finnur síður fyrir geislum sólar og hitanum sem frá þeim streyma. Þegar dvalið er nærri sjó eða snjó margfaldast hættan á sólbruna. Vatns- og sjóböð auka líkur á sólbruna. Hægt er að fá vatnshelda sólarvörn eða nota efni sem byggjast á liposomum. Gagnstætt öðrum efnum virka liposomum efni undir yfirborði húðarinnar.
Varast ber áreynslu í hita og forðast ber að láta húðina verða rauða. Stutt og áköf sólböð eru skaðleg og geta hraðað þróun krabbameins í fæðingarblettum, sem einnig kallast illkynja melanoma. Vökvatap með svita undir kringumstæðum mikils hita getur valdið blóðþrýstingsfalli og yfirliði.
Sólbruni er brunasár af völdum sólarinnar. Yfirleitt er um að ræða fyrstu gráðu bruna, einstaka sinnum annarrar
gráðu bruna. Við vægum sólbruna er best að nota sólaráburð (after sun) og forast sól í 1 – 2 daga. Við alvarlegri
bruna má nota hydrókortisónkrem 1% eða kvalastillandi hlaup í litlum mæli. Hvort tveggja fæst í lausasölu í lyfjaverslunum.
Gott er að kæla brennda svæðið með svölu vatni (ca. 25 °C) í ½ – 1 klukkustund til að lina sviðann. Varúð skal þó
höfð þegar börn brenna því þau geta ofkólnað illa.
Augun eru eitt það dýrmætasta sem við eigum. Þetta eru undursamleg líffæri sem skynja ljós og bera það til heilans á örskotsstundu. Sjá má hluti fjarri sem nærri, stóra sem smáa, bjarta sem dimma.Augun eru viðkvæm og því mikilvægt að vernda þau. Augnlokin gegna því hlutverki ásamt augabrúnum.
Hvítan er eitt af ytri lögum augans. Ljósið fer ekki í gegnum hvítuna, heldur í gegnum kringlóttan glugga framan á auganu sem við köllum hornhimnu.
Hornhimnan brýtur ljósið og leyfir því að halda áfram inn í augað í gegnum gat á lithimnunni, sem við köllum sjáaldur.
Lithimnan er kölluð svo vegna þess að hún hefur einkennandi lit sem ræður því hvort við erum sögð vera með blá, grá, græn eða brún augu. Sjáaldrið stækkar og minnkar eftir því hve birtan er mikil og stjórnar þar með magni ljóssins sem kemst inn í augað Sjáaldrið stækkar því í myrkri en minnkar í birtu.
Aftan við sjáaldrið tekur svo við augasteinninn. Vöðvi í auganu stjórnar þykkt augasteinsins eftir því hvort við erum að horfa nærri okkur eða fjarri. Þessi eiginleiki minnkar með árunum vegna þess að augasteinninn harðnar. Eftir fertugt þurfa flestir því að nota sérstök lestrargleraugu til að geta séð nálægt sér, s.s. við lestur. Líkt og hornhimnan brýtur augasteinninn ljósið enn frekar og sendir það inn í augað þar sem það lendir loks á sjónhimnunni, sem klæðir augað að innan, líkt og veggfóður.
Sjónhimnan er afar sérhæfður vefur sem skynjar ljós og breytir því í rafboð. Þau eru síðan send með sjóntauginni sem liggur úr auganu inn í heila. Ljósið sem kom inn í augað er nú orðið að mynd inni í heilanum!
Skýrleiki myndarinnar sem lendir á sjónhimnu fer einkum eftir þremur þáttum:
1. Lögun hornhimnunnar – þeim mun kúptari sem hún er, því meira brýtur hún ljósið.
2. Þykkt augasteinsins – þeim mun þykkari sem hann er, því meira brýtur hann ljósið.
3. Lengd augans.
Ef allir þessir þættir vinna vel saman kemur skýr mynd á sjónhimnuna. Ef einn þessara þátta er ekki eins og hann á að vera verður myndin óskýr, eða „út úr fókus”.
Var 226 kíló! Monica Riley hafði þann draum að vera feitasta kona í heimi og innbyrti yfir 10.000 kaloríur á dag í þeim tilgangi eins og Sykur hefur greint frá. Vildi hún helst verða ófær um að ganga og var Sid, unnusti hennar, í því að hjálpa henni að fitna.
Eftir að hafa misst fóstur tvisvar sinnum hefur hún skipt um skoðun og vill verða heilbrigð. Monica, sem er frá Fort Worth í Texasríki, Bandaríkjunum er nú ófrísk á ný og ætlar að skipta algerlega um lífsstíl.
Í því skyni að verða enn kvenlegri ætlar Caitlyn Jenner að fara í heldur óvenjulega lýtaaðgerð. Flestar konur kannast við hversu þreytandi það getur verið að ganga á háum hælum lengi og hefur Cait nú fengið að upplifa það. Hún er mjög hávaxin fyrir en ætlar að fara í fótaaðgerð.
Þetta er þó engin venjuleg aðgerð heldur er fita tekin annarsstaðar af líkamanum og sett undir iljar hennar til að mynda eins konar „púða“ og þannig getur hún þolað lengur við á háum hælum. Þar sem Caitlyn er þó mjög hávaxin fyrir (um 188 cm) – verður hún þá ekki enn hávaxnari?
205 sentimetrar á hæð! Fyrrum körfuboltaspilarinn og Ólympíuverðlaunahafinn Ekaterina Lisina stefnir nú á að verða hávaxnasta fyrirsæta í heimi. Hún er nú þegar stærsta kona Rússlands, en hún er frá Penza. Nú er hún hætt í körfuboltabransanum og fyrirsætubransinn heillar hana.
Ef þú vissir það ekki nú þegar hefur dóttir ofurfyrirsætunnar Cindy Crawford erft fallegt útlit. Kaia Gerber er aðeins 15 ára gömul en er nú þegar farin að sitja fyrir og sýna á sýningum vinsælla hönnuða á borð við Alexander Wang, Marc Jacobs Beauty, og Miu Miu. Kaia birti meðfylgjandi mynd af sér á Instagram þar sem hún er greinilega nakin undir hvítum baðsloppi og aðdáendur misstu sig í athugasemdum.
Hörðustu athugasemdirnar sneru að ungum aldri hennar og hún væri of ögrandi fyrir aldur. Einnig var hún nefnd „Lolita“ og Cindy, móður hennar, kennt um.
Kaia segist eiga „eðlilegt“ líf og skólagöngu en það kannski er harla ólíkt jafnöldrunum þar sem hún umgengst fræga fólkið á borð við fyrirsætuna Kendall Jenner.
Bobbi-Jo Westley vill komast í Heimsmetabók Guinness fyrir að vera með stærstu mjaðmir í heimi. Ummál þeirra er nú 241 cm en heimsmethafinn Mikel Ruffinelli er með ummál upp á 251 cm.
Risavaxnar mjaðmir hennar hafa fært henni stóran aðdáendahóp og er hún afskaplega ánægð með það. Læknar segja henni þó að lífstíll hennar gæti hreinlega drepið hana, hún sé tifandi tímasprengja en henni er slétt sama. Hún vill stærstu mjaðmir í heimi þó hún geti átt á hættu að deyja.
Ef þú skoðar myndina sýnist dóttir Enedinu Vance vera hamingjusöm lítil stúlka. Ef þú skoðar aðeins nánar er eins og kinnin á henni hafi verið „götuð“ líkt og eyru eru götuð, til að búa til spékopp.
Enedina, sex barna móðir, skrifar við myndina: „Er þetta ekki sætt? Ég veit hún á eftir að elska þetta!! Hún mun þakka mér þegar hún verður eldri, lol. Ef hún ákveður að henni líki hann ekki getur hún tekið hann úr, ekkert mál. Ég er foreldrið, hún er BARNIÐ mitt, ég geri það sem ég vil!! Ég tek allar ákvarðanir þar til hún er 18 ára, ég bjó hana til, ég á hana!! Ég þarf ekki leyfi neins, ég held þetta sé betra, sætara og ég vil hún sé með spékoppinn gataðan. Þetta er ekki ofbeldi! Ef það væri, væri þetta ekki löglegt, fólk gatar börnin sín á hverjum degi og þetta er ekkert öðruvísi.“
Það sem fólk áttaði sig ekki á var að Enedina var að vekja athygli í kaldhæðni á því valdi sem foreldrar taka sér yfir líkömum barna sinna og var þá sérstaklega að meina umskurð ungra drengja. Margir skildu ekki #sarcasm (#kaldhæðni) og helltu sér yfir hana og hótuðu að myrða hana og hringja í Barnaverndaryfirvöld.
Enedina fór ekki að velta þessu fyrir sér fyrr en hún eignaðist son og vildi með þessu vekja athygli á ofbeldi gagnvart börnum. Þurfti hún að útskýra í nokkrum póstum að myndin hafi verið „fótósjoppuð“ til að ná fram athygli á málefnið.
„Það er mjög kaldhæðnislegt að fólk var tilbúið að berja mig fyrir að gata barnið sitt en notuðu sömu afsökun til að réttlæta að skera sitt eigið barn. Hvernig getur fólk orðið svona reitt að sjá barnið mitt með gataðan spékopp á meðan það veit af því að ungum drengjum er haldið niðri og neyddir til að fara í aðgerð á viðkvæmasta líkamshlutanum, typpinu, og það er bara allt í lagi?!“
Erfitt hlýtur að vera fyrir foreldra að geta hvorki faðmað né huggað elsku drenginn sinn. Í þessu myndbandi má sjá foreldrana Patrice og Matt sem eiga soninn Jonah sem er haldinn sjúkdómnum Epidermolysis Bullosa (EB) sem veldur því að húð hans er afskaplega viðkvæm og fær skeinur og blöður við minnsta áreiti.
Við viljum benda á að myndbandið er ekki fyrir viðkvæma.
Fyrirsætan Natalie Hage sat við hliðina á manni í flugvél á leið frá Dallas til Los Angeles. Er hún fyrirsæta í yfirstærð og átti atvikið sér stað um borð í flugvél American Airlines. Sat hún við hliðina á manni sem var að senda einhverjum sms varðandi útlit hennar og fannst hún of feit. Þegar sá sem ahnn var að tala við sagði: „Borðaði hún mexíkanskan mat?“ svaraði hann: „Ég held hún hafi étið Mexíkana.“
Natalie talaði við manninn og sagðist hafa orðið vör við hvað hann var að segja: „Þú veist ekkert um mig út frá líkamsstærðinni. Þú hefur ekki hugmynd um hvern þú ert að særa með því að segja þessa hluti.“
Þegar samanbit er heilbrigt og eðlilegt er samstarf gott milli tanna, tyggingarvöðva og kjálkaliða.
Það skiptir miklu máli að svo sé, þegar fólk tyggur, talar, syngur, geispar, kyngir og brosir.
Við slíkar aðstæður geta bitsjúkdómar gert vart við sig!
Leitaðu til tannlæknis og hann mun skoða eftirfarandi:
Meðferðin sem beitt er er kölluð bitmeðferð. Hún felst í því að viðkomandi fær bithlíf sem er harður glær gómur, sem minnkar álag af kjálkaliðum og tyggingarvöðvum og skapar stöðugt samanbit. Flestir sem fara í meðferð við bitsjúkdómum fá slíka bithlíf. Tannlæknirinn tekur mát af báðum gómum og smíðar síðan góm sem oftast er settur í efri góm. Yfirleitt nægir að hafa hann uppi á nóttunni. Ásamt notkun bithlífar þarf fólk að gera æfingar til slökunar og þjálfunar fyrir kjálkaliði og tyggingarvöðva. Margir eru sendir til sjúkraþjálfara sem meðhöndla vöðvabólgu í tyggingarvöðvum og hnakka, herðum og hálsi og takmarkaða hreyfigetu í kjálkaliðum. Gigtarlyf og verkjalyf eru notuð í slæmum tilfellum.
American Idol dómarinn og söngkonan Paula Abdul sigraðist á átröskunarsjúkdómi fyrir nokkrum árum en nú hafa vinir hennar áhyggjur af heilsu hennar eftir að hún meiddist á tónleikaferðalagi. Paula tognaði á vöðva þann 10. júní síðastliðinn og hætti við að taka þátt í tónleikaferðalagi með hljómsveitunum New Kids on the Block og Boyz II Men: „Þetta var það síðasta sem Paula þurfti núna,“ segir vinur söngkonunnar í viðtali við Radar.
„Hún hefur unnið svo hart að því að ná bata og komast aftur á réttan kjöl. Hún er nú að nota vöðva sem hún hefur ekki notað í mörg ár í mjög krefjandi tónleikaferðalagi þannig það er sennilega ástæða þess hún slasaðist.“
Paula gæti farið að hafa áhyggjur af því að hún sé orðin of þung – og það gæti ýtt undir átröskunina.
Söngkonan sem er orðin 55 ára viðurkennir að það sé erfitt að fara að túra aftur: „Ég tala við líkamann minn, „við verðum að gera þetta saman“ og svo framvegis. Það er ekki einfalt og því eldri sem þú verður…sko, ég er að gera hluti sem ég gerði fyrir 28 árum síðan svo það er dálítið klikkað.“
Um átröskunina á árum áður segir hún: „Annað hvort borðaði ég stöðugt og svo æfði ég eins og brjálæðingur til að ná af mér þyngdinni. Ég gerði mér grein fyrir að ég þurfti faglega hjálp þegar ég leit í spegilinn einn daginn. Beinin stóðu út, fótleggirnir voru eins og tannstönglar. Ég var eins og sveltandi barn í Afríku.“
Veikindin jukust eftir að hún skildi við eiginmann sinn Emilio Estevez árið 1994. Þá fór hún að borða í lotum og kasta upp. Hún leitaði sér þá hjálpar. Læknar segja að ef veikindin taki sig upp aftur geti það haft geigvænleg áhrif á líkama hennar.
Þegar þú horfir á myndir af hinni kínversku Kina Shen áttu í erfiðleikum með að átta þig á um hvort manneskju er að ræða eða dúkku. Margar stúlkur hafa tekið þátt í æðinu sem hefur geisað undanfarin ár en fáar ná með tærnar þar sem Kina hefur hælana.
Kina er ættuð frá Shenzen og fékk í gjöf fallegar línur, bæði í andliti sem og líkama og svo er hún einnig góð í að gera farðanir sem hlýtur að teljast henni til tekna. Hún er með næstum hálfa milljón fylgjenda á Instagram og einn aðdáandi bjó til fígúru með henni fyrir tölvuleikinnThe Sims 4.
Til að sannfæra fólk um að hún sé í raun mennsk setur hún stundum inn förðunarmyndbönd á YouTube… Kíkið á myndirnar og myndbandið!
Sjaldgæfasta blanda í heimi: Rautt hár og blá augu. Græn augu? Einungis 2% mannkyns teljast hafa græn augu. Genablanda foreldranna kann að bjóða upp á getgátur en enginn veit nákvæmlega hvernig börnin koma út. Augun eru oftast það fyrsta sem fólk tekur eftir þegar það hittir þig og eru þau oft talin spegill sálarinnar.
Amabrush er nýr byltingarkenndur tannbursti sem var að koma á markað. Tekur það aðeins 10 sekúndur að hreinsa tennurnar jafn vel og jafnvel betur en að bursta tennurnar á gamla mátann (lofar framleiðandi allavega!) Þetta lítur afskaplega vel út og við getum ekki beðið eftir að prófa:
Það eru til tvær tegundir af lykkju – hormónalykkjan og koparlykkjan. Helst er mælt með því að konur fái sér lykkjuna eftir að hún hefur gengið með barn/börn. Hér er upplýsandi myndband sem fólk sem áhuga hefur á þessari öruggu getnaðarvörn getur kynnt sér:
Þessi kona – Traci Mann – er ósammála mörgum læknum, næringarfræðingum og þeim sem láta sig málefnið varða. Hún nefnilega heldur því fram að offita sé ekki að fara að drepa eins marga og haldið er fram.
Sagt er að um 600 milljón manna um heim allan séu í ofþyngd, samkvæmt WHO (World Health Organization, 2014). En eru þessar tölur ýktar? Er verið að hræða okkur? Er um falskar fréttir að ræða – eða hvað?
Þetta er gott að vita: 14 ára stúlka dó hörmulegum dauðdaga eftir að hafa notað símann sinn í baði. Fjölskylda hennar vill að dauði hennar geti hugsanlega bjargað mannslífum. Símanum var stungið í samband og er það sennilega orsök þess að hún lést.
Horfið á myndbandið og endilega deilið:
Heilsuvera er upplýsingavefur þar sem einstaklingar geta náð í heilbrigðisupplýsingar um sig úr miðlægum gagnagrunni allra heilbrigðisstofnana. Þessi vefur er á ábyrgð Embættis landlæknis og er unnin í samvinnu við Heilsugæslu höfuðborgarsvæðisins og hugbúnaðarfyrirtækið TM Software.
Tilgangurinn með Heilsuveru var að þróa öruggan rafrænan aðgang fyrir einstaklinga að eigin heilbrigðisupplýsingum, hvar og hvenær sem þörf væri á og óháð því á hvaða heilbrigðisstofnun, heilsugæslustöð eða starfsstofu sérfræðings upplýsingarnar væru skráðar.
Með aðgangi að Heilsuveru geta einstaklingar nú fengið yfirsýn yfir lyfjanotkun sína, sótt rafrænt um endurnýjun lyfseðla, séð stöðu lyfseðla í lyfseðlagátt, séð ofnæmi sem hefur verið skráð í sjúkraskrá, séð framkvæmdar bólusetningar, átt örugg rafræn samskipti við heilbrigðisstarfsmenn og bókað tíma rafrænt á heilsugæslustöð. Auk þess er hægt að fá aðgang að upplýsingum eigin barna að 16. ára aldri.
Heilsuvera er enn í þróun og munu einstaklingar smám saman fá aukinn aðgang að eigin heilbrigðisupplýsingum með hjálp Heilsuveru.
Má t.d. nefna aðgang að upplýsingum um legur á sjúkrahúsi, heimsóknir á heilsugæslustöð, helstu greiningar og meðferðir, rannsóknaniðurstöður, hverjir hafa flett upp í sjúkraskrá einstaklingsins og möguleika á eigin skráningu einstaklinga í sjúkraskrá (t.d. ýmis vítamín og önnur lyf en þau sem eru lyfseðilsskyld).
Til þess að fá aðgang að eigin heilbrigðisupplýsingum í Heilsuveru þarf rafræn skilríki. Rafræn skilríki eru bæði fáanleg á snjallkortum og í farsímum. Nánari upplýsingar er að finna á síðunni Rafræn skilríki .
Til að skrá sig inn í Heilsuveru ferð þú inn á https://www.heilsuvera.is/
Til þess að fá aðgang að rafrænum tímabókunum á heilsugæslustöð og endurnýjun lyfjaseðla þarf að vera skráður á heilsugæslustöðina.
