Taylor Swift boðar bjartari tíma í öllum regnbogans litum þó að hún gæti hafa þurft að aflýsa komandi tónleikum fyrir árið 2020 vegna COVID heimsfaraldursins. Hún fagnar hér nýrri og djarfri hártísku með pastellitum fyrir sumarið.

Taylor setti inn mynd á Instagram-ið hjá sér með regnbogalituðu hári og hún lítur björt, litrík, bjartsýn, vongóð … einmitt það sem heimurinn þarfnast núna!

Hártíska Taylor Swift gæti veitt einhverjum innblástur fyrir hártískuna í sumar og bjartari tíma. Hún deildi tveimur selfies á Instagram til að kynna City of Lover.

View this post on Instagram

Stoked to relive our Paris show tonight when the City of Lover concert airs at 10pm ET/ 9pm CT on @abcnetwork – then tomorrow on @hulu and @disneyplus It was the best album release party I could’ve wished for ✨ love you guys

A post shared by Taylor Swift (@taylorswift) on May 17, 2020 at 10:11am PDT

Viltu prufa þig áfram með regnbogans liti. Skoðaðu þá þetta myndband

Þessir eru rétt að hita upp fyrir svefninn – sætir draumar…

„]

SUMARIÐ ER TÍMINN!

Fjöllistanámskeið: Leikræn tjáning & jóga – Söngtækni – Dans – Myndlist & Útivera! Sýning í lok hvers námskeiðs!

Vönduð námskeið haldin í notalegu umhverfi KristalHofsins, Síðumúla 15, 3. hæð.

Aldur frá 7 ára til 13 ára. Fjöldi takmarkaður og 2 kennarar ásamt aðstoðarkennurum á hverju námskeiði. Veittur er 15% systkinaafsláttur. Neðst má lesa nánar um kennarana.

Við byrjum 8. júní! Skráning á dancecenter.felog.is! Takmarkaður fjöldi! 

Nánari upplýsingar á dancecenter.is og kristalhofid.is

FjölListanámskeið KristalHofsins eru prýdd fagfólki með áralanga reynslu í barna- og æskulýðsstarfi og kennslu. Unnið til fjölda verðlauna í danskeppnum heima og erlendis og með reynslu úr leikhúsheiminum, afþreyingar- og heilsugeiranum. Nanna Ósk Jónsdóttir, eigandi DanceCenter Reykjavík í KristalHofinu, danskennari og danshöfundur. Jóhanna Karlsdóttir, viðurkenndur jógakennari, Andrea Lapas, danskennari og danshöfundur og Maja Meixin Aceto, dansari, söngkona og píónisti.

Nánari upplýsingar er hægt að nálgast hjá Nönnu Ósk GSM: 777 3658
Nánari upplýsingar á dancecenter.is og kristalhofid.is

Nánar um kennara:

Nanna Ósk fæddist með dansinn og frumkvöðlaeðlið í blóðinu og á unglingsárum vakti hún mikla athygli þegar hún gerði sér lítið fyrir og vann Íslandsmeistaratitla í einstaklings- og hópadansi í Freestyle keppnum Tónabæjar sem haldin var á vegum ÍTR. Í Verzló var hún einnig fyrirferðamikil í nemendamótunum sem ávalt hafa verið glæsileg og í fyrsta skipti í sögu skólans, voru nemendur ráðnir sem danshöfundar. Jesus Christ Superstar hlaut lof helstu listagagnrýnenda landsins.

Hún býr að því að vera með áralanga reynslu af danskennslu, æskulýðs- & barnastarfi og beitt sér ötulega á því sviði. Hún hefur komið víða við sem danshöfundur, dansari, leikið og sungið í sjónvarpi og leikhúsi m.a. Rocky Horror í leikstjórn Baltasars Kormáks, kvikmynd-unum Maður eins og ég og Strákarnir okkar í leikstjórn Róbert Douglas. Þar tók hún lag Björgvins Halldórssonar “Þó líði ár og öld”.

Nanna kom öllum að óvörum, þar á meðal henni sjálfri þegar hún keppti fyrir Íslands hönd með hópnum Two Tricky með laginu, Angel eða Birta eftir Einar Bárðason í Eurovision. Árið 2007 stofnaði hún DanceCenter RVK á meðgöngu dóttur sinnar og hafa þær mæðgur fylgst að í danslistinni sem hafa átt hug þeirra allan og skólinn nú orðin 13 ára. Starfssemin var útvíkkuð árið 2017 og er dansskólinn staðsettur í KristalHofinu sem einbeitir sér að öllu sem heilar sál og líkama.

Jóhanna Karlsdóttir lærði að kenna jóga eða nánar tiltekið hot jóga í október árið 2008 hjá Absolute Yoga Academy í Koh Samui, Tælandi og lauk 200 tíma réttindunum viðurkenndum af alþóðlegu jógasamtökunum: Yoga Alliance. Árið 2010 bætti hún við sig og hefur núna 500 tíma kennsluþjálfun frá sömu aðilum. Hún hefur kennt Hot Yoga á Íslandi frá janúar 2009 í fullu starfi. Hún sækir reglulega frekari menntun í yogafræðum erlendis, hefur meðal annars sótt seminar hjá Bikram Choudhury í Barcelona 2010 og sótti síðast einu stærstu jóga ráðstefnu á alþjóðlegum mælikvarða í Rishikesh, Indlandi og var fulltrúi Íslands þar.  Hún hefur mikla ástríðu fyrir faginu og gerir sitt allra besta til þess að miðla þekkingu sinni á sem fagmannlegastan máta til iðkenda.  Megináhersla hennar er að nemendur fái réttar leiðbeiningar og fái upplýsingar um allar útfærslur á æfingunum sem gætu hentað þeim þannig að árangur náist sem bestur.  Jóga er fyrir alla á öllum aldri og af öllum líkamstegundum. Algengasti misskilningur fólks sem ekki þekkir betur er sá að jóga henti betur þeim sem eru liðugir. Jóga hjálpar einmitt þeim sem ekki eru liðugir að liðkast en liðleiki er svo lítill þáttur af jógaiðkuninni sem heild. Jóga er sameining hugar og líkama. Jógaiðkun styrkir okkur líkamlega og andlega. Við náum að styrkja djúpvöðva sem liggja sem næst beinum og liðamótum með aðaláherslu á hrygginn. Við náum einnig að hugleiða og sameina hug og líkama með því að stjórna önduninni í öllum æfingunum. Jóga er frábær iðkun til þess að halda sér í formi líkamlega og andlega og að láta sér líða vel.

Andrea Lapas hefur æft jazzballet og ballet frá unga aldri og steig sín fyrstu skref á atvinnuleiksviði í söngleiknum Billy Elliot í Borgarleikhúsinu, þar sem hún lék eina af balletstelpunum. Andrea tók síðan þátt í uppsetningu Borgarleikhússins á Bláa hnettinum 2016-2018, þar sem hún lék hlutverk eins barnanna á hnettinum. Nú síðast lék Andrea í söngleiknum Matthildi í Borgarleikhúsinu en sá söngleikur kláraðist í febrúar sl. Andrea hefur einnig tekið þátt í fleiri verkum eins og auglýsingum og sjónvarpsþáttum, hún kom m.a. fram í þáttunum um Latabæ og stuttmyndinni Stattu með þér. Síðasta sumar keppti Andrea á Dance World Cup í Portúgal fyrir hönd Chantelle Carey school of performing arts. Dans er helsta áhugamál Andreu og síðustu ár hefur hún sótt fjölda námskeiða í mismunandi dansstílum.

 Maja Meixin er einstaklega fjölhæf og hefur verið í ýmsum listum frá blautu barnsbeini. Maja kom fram í Blá Hnettinum í Borgarleikhúsinu, Ronju Ræningjadóttir í Þjóðleikhúsinu og We Will Rock You í Háskólabíói. Hún hefur æft söng og er að hefja nám í sönglist hjá FÍH/MÍT og spilar einnig á píanó. Hún keppti með hóp Chantelle Carey og komst áfram með ballett sóló í frjálsum stíl í Dance World Cup. Hún hefur klárað 6 stig hjá JSB og er að æfa stepp og jazz fyrir próf á 3. stigi samkvæmt breskum stöðlum. Hún hefur tekið fjöldan allan af námskeiðum, æft stepp, jazz og söngleikjadans hjá Chantelle Carey og lyrical og ballett hjá Dilly Greasley. Stundað Commercial Jazz og Hip Hop hjá DanceCenter Reykjavík og verið fengin í módelstörf fyrir m.a. markaðsherferð Kringlunnar fyrir fermingar svo eitthvað sé nefnt af hennar fjölmörgu afrekum.

Þessi er alveg Snældu og ætlar að verða há, ljóshærð, spandex grönn & örugg í ræktinni á mettíma – Toppa sumarið árið 2020!

Ofureinföld ráð frá Aliciu Keys um hvernig þú getur frískað upp á útlitið

Vissir þú að bananahýði er til margs nýtilegt? Það hefur verið notað í margar aldir til ýmissa hluta, t.d. fyrir gróður, húðina og fleira.

Hér eru nokkur sniðug ráð:

Bananahýði getur hjálpað til við að hreinsa húðina. Það eru náttúruleg hreinsi- og skrúbbefni í hýðinu og takir þú smá hýði og setjir á bólu getur það minnkað bólguna og útrýmt bakteríum sem hjálpa henni að blómstra.

Baugahyljari: Kalíumið í bananahýði getur nært og tekið bauga burt. Þú getur klippt út hýði og sett undir augun eða skrapað það úr og blandað með aloa vera geli.

Að nýta bananahýði í að útrýma vörtum er aldargamalt ráð. Bólgueyðandi efni í húðinu getur minnkað stærð vartanna og komið í veg fyrir endurteknar myndanir. Klipptu út ferning af hýðinu, settu plástur eða lím yfir og skildu eftir yfir nótt.

Bananahýði getur virkað sem ágætis kláðastillir, sérstaklega eftir flugnabit. Í stað þess að klóra þér taktu hýði og settu á bitið í 10 mínútur. Gott er að nudda því inn í húðina.

Ef þú ert langt niðri eða líður ekki vel er tryptophan sem er tegund af amínósýru í hýðinu. Hún breytist í seróntónin, hamingjuhormónið sem hjálpar manni að slaka á. Skrapaðu innra byrði hýðisins og settu það í te eða ofan á brauð.

Bananahýði er náttúrulegur plágueyðir. Ef það eru pöddur í plöntunum þínum ættirðu að grafa hýði í moldina til að fæla burtu skordýr. Appelsínubörkur gerir sama gagn.

Vissir þú að uppistaða skóáburðar er kalíum (e. potassium)? Það er sama innihaldsefni og í bananahýði og þó þér finnist kannski ekki geðslegt að hugsa til þess að leðurskórnir þínir séu þaktir bananaslími gerir það sama gagn! Nuddaður skóna með hýðinu, bíddu í mínútu og strjúktu af með hreinum klút.

Bananalauf eru uppáhald margra í asískum réttum. Það er hægt að vefja matinn, s.s. kjöt og grænmeti með hýðinu einnig og gefur það matnum indælt bragð.

Blómaáburður. Bananahýði í vatn getur aukið súrefnisflæði til plantna.

Í bananahýði er lútin (vefjagula) sem hefur áhrif á öldrun húðar. Þú getur nuddað bananahýði á húðina, látið sitja í 2-30 mínútur og hreinsað af með vatni. Þetta má gera daglega.

Ef þú ert með psoriasis getur bananahýði nært húðina og stöðvað kláða

Lykteyðir: Sígarettufnykur getur verið þaulsetinn. Í stað þess að reyna að fela lyktina, t.d. í bíl má setja bananahýði á gólfið (á disk eða álíka) og haft það þar til lyktin er horfin.

Er jólastressið algjörlega að fara með þig? Áttu erfitt með að sofa á nóttunni með hjartað dúndrandi hundrað slög á mínútu og adrenalínið flæðandi um líkamann? Hér er myndband frá TED-fyrirlestri sem gæti kannski hjálpað þér. Í myndbandinu útskýrir Kelly McGonigal að með hugarfarsbreytingu gagnvart stressi og einkennum þess gætirðu lifað lengra heilbrigðara lífi. Sjón er sögu ríkari!

Það þarf ekki að velkjast í vafa um að laukur getur verið mikilvægur í ýmsum réttum: Á íslenskar pylsur, á hamborgara, í salöt og fleira. Það eru samt sumir sem segja að laukurinn geri einnig mikið gagn annars staðar en í eldhúsinu!

Laukur hefur hátt súlfúr-innihald (brennisteinn) sem er hefur afar andoxandi áhrif og gagnast vel til náttúrulegra lækninga. Margir telja að laukurinn innihaldi ýmis efni sem gagnist til að berjast við sjúkdóma, jafnvel krabbamein. Einnig er hægt að lina kvalir vegna liðagigtar, hjartasjúktóma, lungnasjúkdóma eins og bronkítis og astma og eflir hann ónæmiskerfið. Sykursýkissjúklingar hafa mikið gagn af honum og þú getur notað hann við gubbupest og til að lækka kólesteról í blóði.

Hér eru nokkur húsráð sem innihalda lauk.

Hósti

Til að ráða niðurlögum hósta er gott að setja matskeið af púðursykri á niðursneiddan lauk og láta hann draga í sig sykurinn í a.m.k. klukkustund. Með því að borða þetta léttir á hóstanum þar sem súlfúrið í lauknum drepur örverur sem valda hóstanum. Einnig hefur súlfúrið bólguminnkandi áhrif.

Hárlos

Til að laga hárlos, skaltu sjóða pott af vatni með heilum lauk. Sigtaðu vatnið og notaðu seyðið til að þvo hárið áður en þú notar sjampó. Þetta bæði styrkir hárið og vinnur á flösu. Andoxunarefnin í vatninu munu svo hjálpa til við hárlosið.

Magakrampi

Til að hjálpa börnum að losna við magakveisu, gefðu þeim teskeið af lauktei á dag. Það mun styrkja magann, slaka á vöðvum og bæta meltinuna. Sneiddu einn lauk í bita áður en þú sýður vatn og hellir yfir. Láttu teið kólna áður en þú sigtar það.

Sýking í eyrum

Til að létta á sársauka vegna sýkingu í eyrum, sneiddu niður lauk í litla bita og settu í þunnan bómullarklút. Settu klútinn yfir eyrað/eyrun og haltu honum föstum með hárbandi. Sársaukinn mun smám saman dvína.

Skrámur og skeinur

Eins og áður var minnst á hefur laukur bólgueyðandi áhrif og vinnur hann einnig á bakteríum. Ef þú færð skrámur eða skeinur einhversstaðar á líkamann er hægt að skera eina lauksneið og setja hana á sárið. Það grær fyrr og heldur bakteríum og bólgum í burtu.

Hálsbólga

Sjóddu lauk í vatni og kældu það. Notaðu vatnið til að skola hálsinn. Skiptir ekki máli hvort þú gleypir það. Ef þér finnst bragðið óbærilegt, bragðbættu með hunangi eða sítrónu. Bólgueyðandi áhrif lauksins ættu að gera strax vart við sig.

Losaðu stíflur í nefi og í brjósti

Þú getur búið til krem úr laukum. Kremdu skorinn lauk eða settu hann í matvinnsluvél ásamt kókosolíu til að búa til krem. Þetta getur þú borið á brjóstið og hálsinn og hefur það slímlosandi áhrif.

Ælupest

Búðu til laukdjús með því að rífa niður lauk og setja hann í þunnan bómullarklút. Settu tvær teskeiðar af djúsnum í sítrónute og drekktu þar til uppköstin hætta.

Til að hreinsa loftið

Sneiddu lauk og settu í herbergið. Hann dregur í sig örverur og bakteríur og hreinsar loftið í leiðinni.

Smá brunasár

Nuddaðu ferskum niðursneiðnum lauk á brunasárið og þannig hraðar þú gróandanum og minnkar roða og sársauka.

Hiti

Ef þú ert með hita, sneiddu niður lauk og hafðu hann á náttborðinu. Nuddaðu fæturnar með kókosolíu og settu lauksneiðarnar á þær. Taktu plastfilmu og settu utan um og farðu svo í sokka. Laukurinn mun draga bakteríurnar út úr líkamanum ásamt eiturefnum. Best er að sofa með þetta yfir nótt ef þú getur!

Þannig – laukur er allra meina bót! Ef þú átt í erfiðleikum með að halda aftur af tárunum þegar þú sneiðir laukinn, tyggðu tyggjó meðan þú ert að því!

Við eyðum töluverðum tíma á hverjum degi í að hugsa um mat, ákveða hvað skuli snæða og svo auðvitað að borða matinn sjálfan. Þetta eru lífsnauðsynlegir hlutir, sumir njóta þess að spekúlera í mat og drykk, aðrir vilja helst klára þetta sem fyrst svo þeir geti farið að gera eitthvað annað mikilvægara. Vissulega getur farið mikill tími í þessar pælingar, sérstaklega ef maður lætur hugmyndaflugið og lystina ráða för. Það getur orðið ákveðin nautn að hlakka til og fá bragð í munninn af mat sem maður á eftir að elda, velta vöngum yfir hráefninu, öllum möguleikum samsetninga og meðlætis. Endalaus sæla kynnu sumir að segja, aðrir myndu kalla það tímaþjóf. Sumir eru svo það  heppnir að geta sest að borðinu og einhver annar hefur tekið þetta að sér fyrir þá. Auðvitað geta allir eldað, það er spurning um að sýna því áhuga í það minnsta að hafa áhuga á því hvað maður setur ofan í sig. Sérstaklega ef horft er til heilsu og lífsstíls almennt þá fer þetta að skipta verulegu máli.

Bragðskynið og truflanir

Það eru til ýmsar rannsóknir um það hversu miklum tíma við eyðum í þessar hugsanir, en svo virðist sem það sé allt frá hálftíma og upp í tvær klst á dag sem er býsna mikið ef það er talið saman. Þá er hér verið að tala um þá sem eru ekki með neina sjúklega tengingu við mat og matarinntöku, samanber átraskanir eða kaloríuteljara. Bragðlaukarnir á tungunni og nefið auk augnanna eru þau skynfæri sem við notum mest til að ákveða hvaða mat okkur líkar við, það er einstaklingsabundið og hver og einn nemur bragð á ákveðinn máta og líklega enginn alveg eins. Það má segja þó það séu ákveðnar tegundir sem við þekkjum samanber súrt, sætt, beiskt, salt og svo umami sem kemur frá Japan og þýðir bragðmikið.

Flestir hafa þúsundir bragðlauka sem spila saman, en aðrir hafa mun fleiri og hafa þannig eiginleika sem geta gagnast þeim verulega í matargerð, vínsmökkun og svo framvegis. Allt getur þetta bilað og í grunninn mætti segja að hlutverk bragðskyns sé að geta greint á milli skemmds matar og heilsuspillandi sem er býsna mikilvægt. Ýmislegt getur haft neikvæð áhrif á bragðskyn, ber þar fyrst að nefna reykingar, en líka tóbaksnotkun í nefi og munni getur haft skemmandi áhrif. Tannskemmdir, léleg tannhirða og bólgur eru alræmdar ástæður truflana. Sýkingar í munnholi, eyrum og kinnholum, ofnæmiskvef, aukaverkanir af lyfjanotkun, áverkar bæði í munni en einnig á taugum og heila geta breytt bragðskyni. Það getur verið flókið að átta sig á stundum og þá geta truflanirnar verið tímabundnar eða varanlegar.

Þjálfun og matarvenjur

Það er líka hægt að æfa bragðlaukana, venja þá við, jafnvel breyta því sem var vont í eitthvað gómsætt með tímanum. Frægasta dæmið eru líklega ólífur og máltækið að maður eigi eftir að þroskast líki manni þær ekki frá upphafi. En þjálfun með þessum hætti felst í því að vera óhræddur við að smakka og taka afstöðu til bragðsins, lyktarinnar og áferðarinnar sem þú finnur. Sem betur fer erum við ekki öll eins og því er matur jafn fjölbreytt og vinsælt viðfangsefni og raun ber vitni.

Lykilatriðið er að njóta þess að borða, gefa sér tíma og vera meðvitaður um það hvað maður lætur ofan í sig, það sem er gott getur nefnilega líka verið hollt. Ef þú horfir á mat eingöngu sem eldsneyti, treður honum í hausinn á þér og skeytir engu um það hvernig hann er samsettur eða búinn til, þá ertu að vanvirða líkama þinn og það sem þér var gefið.  Þú ferð einnig á mis við þau jákvæðu áhrif á líkama og sálarlíf sem góður matur og drykkur getur gefið. Ekki gera málamiðlanir, maturinn skiptir máli!

Greinin birtist fyrst á Doktor.is – allur fróðleikur um heilsu og lyf

Ertu að hamast við að ná af þér ástarhöldunum, bakfitu eða spékoppunum á rassinum? Það eru nokkrar góðar æfingar sem munu tryggja árangur og þú getur framkvæmt þær hvar sem er svo lengi sem þú gerir þessar 7 æfingar daglega. Svo verður þú auðvitað að borða skynsamlega og fá góðan svefn svo árangur náist. Þessar æfingar munu breyta líkama þínum á skömmum tíma.

1. Sippa
Hvenær sippaðir þú síðast? Sem krakki eða? Keyptu þér ódýrt sippuband og sippaðu. Hægt að gera nánast hvar sem er. Þú brennir helling af hitaeiningum og er mjög skemmtilegt.

2. Hnébeygja
Frábær æfing sem þjálfar fleiri en einn vöðva í einu. Æfingin mótar á þér rassinn, styrkir lærin og kviðinn ásamt því að brenna hitaeiningar. Ef þú gerir þær vel og á þokkalegum hraða þá eykst hjartslátturinn og þú byrjar að brenna.

3. Armbeygjur
Því miður eru margir sem forðast að gera armbeygjur en þessi æfing er sú allra besta. Hún mótar handleggina, axlirnar, bakið, rassinn og kviðinn. Það er engin æfing sem gerir eins mikið fyrir þig og þessi.

4. Framstig
Frábær æfing til að móta fótleggina. Ef þú vilt enn meira út úr æfingunni þá getur þú prófað að hoppa. Best að gera um 30 framstig á dag og þú sérð frábæran árangur.

5. Sund
Þessa æfingu getur þú reyndar sennilega ekki framkvæmt heima hjá þér en við mælum með sundi. Sundið hjálpar þér að styrkja miðjuna og hefur áhrif á fjölda vöðva í líkamanum. Það er einnig mjög gott fyrir heilsuna, lækkar blóðþrýsting, styrkir hjartavöðvann og eykur þol.

6. Planki
Frábær æfing sem reynir á svo marga vöðva í líkamanum. Í febrúar hefst 28 daga plankaáskorun og hvetjum við alla til að taka þátt. Það eitt getur breytt líkamsformi þínu heilmikið. Hægt er að gera venjulegan planka og svo hliðarplanka sem er frábær fyrir ástarhöldurnar.

7. Magaæfingar
Það að gera daglega 50-100 magaæfingar getur breytt miklu og það skiptir svo miklu máli upp á allt að vera með sterka miðju. Ég tala nú ekki um hvað þær eru áhrifamiklar í að móta þig.